السلام عليكم ورحمة الله وبركاته
الله يسعد مساكوا
كيف حال حبايبي الحلوين
والله ياعمي اشتقتلكوا كتير كتير ,, وزي مابيقولوا وفي قلبي لوعه ,
اليوم يا عمي بدنا نكمل حكايتنا عن تاريخ فلسطين القديم
وراح نبدا اليوم الحكي عن فلسطين في عهد الرسول عليه الصلاة والسلام وفي العهد الإسلامي
وشوي شوي عشان نفهم ونستوعب , أه يا عمي بديش ألخبطكوا بالمعلومات ,
طيب يا با : صلوا عالنبي خلينا نعرف نحكي هالكلمتين .
اللهم صلي وسلم على حبيبك المصطفى عليه أفضل الصلاه وأتم التسليم .
في سنة (( 571 م )) انولد الرسول محمد عليه الصلاه والسلام وكانت فلسطين مازالت
بإيد الروم وضلوا على هالوضع لغاية بعثته عليه الصلاة و السلام .
وفي سنة (( 614م )) غزا الفرس فلسطين بقيادة القائد المعروف كسرى التاني ملك الفرس
كسرى الفرس مطبوعه صورته على عمله قديمه
وقدروا وقتها انهم يسيطروا عفلسطين ويطردوا منها النصارى الروم ,
ونهبوا القدس وحطموا وكسروا كنيسة القيامه وأخدوا كل كنوزها ,
كنيسه القيامه
في سنه (( 620م )) توفت السيده خديجه زوجة الرسول وعمه أبو طالب بنفس الوقت
فحزن عليهم الرسول كتير , وكان الله تعالى بدو يصبروا ويساعده في تخطي هالظرف الصعب
فواساه وعوضو بحادثة ((الإسراء والمعراج )) , واللي هي إلها أكبر لفته في تاريخنا الإسلامي
لمكانة القدس الدينيه عند كل المسلمين وفي شتى أنحاء العالم ,
وفي سنة (( 622 م )) صارت الهجره الشريفه من مكه للمدينه المنوره ,
وبعد خمس سنين من الهجره , قام هرقل
صوره تمثال هرقل
وأعد جيش طويل عريض وهاجم الفرس في
فلسطين وبالفعل قدر إنو يهزمهم وبعدها بست سنين يعني بعد الهجره , دخل هرقل القدس
وفي هدا الوقت أجالو خطاب من الرسول محمد عليه الصلاة والسلام
(( إلى هرقل , إسلم تسلم , فإن لم تسلم فعليك إثم الأريسين , والأريسين هما الروم ))
رساله نبينا محمد عليه الصلاه والسلام الى هرقل
وهالخطاب كانلوا وقعوا الكبير عند هرقل وكان بدوا يسلم , لكن القساوسه عارضوه
واصروا عقتال المسلمين , لكن بعت للرسول محمد خطاب يقول فيه إنو أسلم ولما تبلغ
الرسول محمد عليه الصلاه والسلام بإسلامه , عرف إنو كزاب وقال
(( كذب عدو الله وأنما غره الملك فتمسك به )) ..
وبعد هيك يا عمي وبالتحديد في سنة (( 7 للهجره النبويه )) صارت غزوة خيبر
موقع غزوه خيبر وتظهر فيه احد القلاع
بين المسلمين واليهود وكانت هالغزوه حصيله لعدة معارك بين النبي عليه الصلاة والسلام وبين اليهود
عليهم لعنة الله , دمر المسلمين اليهود وقضوا على حصونهم وأخدوا كل أملاكهم كغنائم ,,
وبعد هالبهدله كلها توسلوا للرسول عليه الصلاة والسلام بإنهم يضلوا بأرضهم
ويكونا أجرى عند المسلمين يعني يشتغلوا مقابل أجرتهم , ووافق الرسول وضلوا أجرى عند المسلمين
واللي ماكنش عاجبوا هالوضع هاجر عفلسطين , لكن هالموضوع ما طولش كتير
عاليهود اللي متعودين عالغلدر والخيانه ,,
في سنة (( 13هجري )) أمر أبو بكر الصديق رضي الله عنه خالد ابن الوليد إنوا يروح للشام ونفذ خالد بن الوليد
الأمر ولما حس ابو بكر بجدية الموضوع بعتلو جيش مساعد , وتحرك خالد هو والجيش من العراق للشام
ووصلوا عالشا م بعد خمسه أيام مشي بالصحرا ,وبدت المعارك بين المسلمين والروم , وكان من أعظم
هالمعارك وأشهرها (( معركة أجنادين )) واللي كان مكانها بالزبط غرب القدس
موقع غزوه اجنادين
وهي أول معركه رئيسيه تصير بين المسلمين والفرس في زمن أبو بكر الصديق رضي الله عنه
وبالطبع زي ماكلنا عارفين إنو بهالمعركه انتصر المسلمين انتصار ساحق عالروم , وبنفس هالشهر
هدا (( جماد الأول توفى أبو بكر ))
وتولى من بعده عمر بن الخطاب , , وكمل فتوحاته عالشام
ويادوب بد عصر عمر ابن الخطاب
وبدوا اليهود يجددوا بالخيانه وقتلوا واحد من المسلمين وماكانش عمر ابن الخطاب مكزب خبر
وعلى طول طردهم من الجزيره العربيه , وكانت وجهتهم على سيناء قام كمان طردهم منها ,
مهو زهق من عمايلهم وغدرهم ولما انطردوا من سينا ماكنش قدامهم غير فلسطين الغلبانه عشان تلمهم
وبدا التجمع اليهودي مره تانيه بفلسطين ,
وكان من ضمن هالمعارك اللي كانت في عهد عمر بن الخطاب معركة اليرموك أو
(( فتح دمشق ))
موقع معركه اليروموك
بعد حصار دام أربعه شهور وبعدها فتح لبنان وبعلبك
وبعد فتره قصيره عزل عمر بن الخطاب , خالد بن الوليد عن رئاسة الجيش وعين بداله أبو عبيده
قام أبو عبيده استشار المسلمين بوجهتهم الجديده ولوين يروحوا , وامره عمر بن الخطاب هالمره
بالتوجه للقدس ,, لما سمعوا المسلمين هالخبر طاروا من الفرحه وصاروا مش مصدقين حالهم
وكانلهم فتره بيتمنوا يروحوا عالقدس ويصلوا بالمسجد الأقصى ,, وضلوا بالطريق احدى عشر
يوم ولما وصلوا عالقدس كبروا وهللوا. بس ما قدروش يدخلوها وضلهم محاصرينها اربعه شهور
ولما عصيت عليهم , استنجد أبو عبيده بعمر بن الخطاب ,, وبالفعل حمل حاله هو غلامه وقصدوا
وجه الكريم للقدس ولما وصلوا وعرف البطريرك إنو عمر بنفسه وصل ,, خاف وأمر الجيش إنهم يسلموا
وقاللهم إنو هالجيش مدام صار بقيادة عمر فسلموا أحسن وانجوا بنفسكم , لإنهم كانوا عارفين إن عمر
في الحق بيخفش من حدا وانو ما عندوش ياما ارحميني ,,فكتبوا العهد بينهم وبين المسلمين ,
وأعطاهم عمر الأمان في القدس وأمن عبادتهم وكنائسهم ومقدساتهم , إنها لا تهدم ولا حدا يمسها ,,
لتحميل نص العهده العمريه
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
وسموا هالمعاهده (( بالمعاهده العمريه )) ولحد الأن موجوده في كنيسة القيامه ..
ومن ضمن شروط هالمعاهده , هو عدم دخول اليهود لإيلياء ومنعهم من السكن فيها ,,
وبعدها دخل عمر بن الخطاب القدس وفتحوا له ابوابها وصار يتمشى فيها وهو مبسوط بهالإنتصار
وصلى بالمسجد الأقصى على عبايته ,, وهيك رجعت المكانه العظيمه والقدسيه للقدس بعد الإهانه والظلم
اللي شافتوا من النصارى والتخريب والدمار اللي كانوا مخربطين فيه الدنيا
في سنة ((18هجري )) عين أبو عبيده حاكم على بلاد الشام إسمه معاويه بن أبي سفيان
وكان أول والي مسلم على بلاد الشام وبزمنوا قضوا أربعين سنه من غير لا معارك ولا حروب
وكان يقول (( بيني وبين الناس شعره إذا شدوا رخيت وإذا رخوا شددت )) وهدا كان أهم سبب
لعدم وقوع الفتن بزمنو , فاشتهرت هدي المقوله بسياسة شعرة معاويه ,,
وبشعرة معاويه بننهي حكايتنا لليوم ,, لإنها طولت كتير اليوم ,,
بس عشان نتسلسل بالحكايه حبه حبه ,, بدكوا تطلوا بالكوا علي شوي
وهلقيت أسيبكوا برعاية الله وحفظه وأشوفكوا على خير
21-03-2009, 04:25 مساء 
فلسطين في عهد الرسول والعهد الإسلامي 
العرض العادي
